Obama ramazanı təbrik etdi

28 İyun 2014 10:46 (UTC+04:00)
ABŞ prezidenti Barak Obama Ramazan bayramı münasibətilə müsəlman xalqlarını təbrik edib.

Movqe.az ANS PRESS-ə istinadən xəbər verir ki, Obama Ramazan ayının başlaması münasibətilə yayımladığı təbrik məktubunda ABŞ xalqı, özü və həyat yoldaşı Mişel Obama adından bütün müsəlmanlara xoş diləklərini çatdırıb.

Obama məktubunda Ramazan ayının oruc tutmaq, dua etmək, özündə mənəvi təmizlik etmək üçün yaxşı bir vaxt olduğunu bildirib.

Obama bu ayın həmçinin, dünyadakı müsəlmanlarla, yoxsulluq çəkənlərin arasında bərabərlik yaratdığını dilə gətirib.

Barak Obama dünyanın bir çox yerində baş verən insan qarşıdurmalarının, çəkişmələrin olmamasını, bu müqəddəs ayın sülh və ədalət bəxş etməsini diləyib.

O, həmçinin hər il olduğu kimi, bu ildə ABŞ-dakı müsəlman amerikalılarını iftar üçün Ağ Evdə qonaq etməyi dörd gözlə gözlədiyini bildirib.

Obama bu təbrik mesajını "Ramazan-ı kərim" ifadəsiylə başa çatdırıb.