Hər 4 nəfərdən birinin smartfonu olacaq
29 İyun 2014 21:07 (UTC+04:00)
2014-cü ilin sonunadək dünya əhalisinin 25 faizi smartfondan
istifadə edəcək.
Movqe.az ANS PRESS-ə istinadən xəbər verir ki, "eMarketer" analitik
şirkəti 2014-cü ilin sonunadək smartfon istifadəçilərinin sayı ötən
illə müqayisədə 25 faiz artaraq təxminən 1,76 milyarda çatacağını
proqnozlaşdırıb.
2017-ci ilədək artıq dünyada yaşayan insanların 33 faizi
smartfonlardan istifadə edəcəkdir.
Tədqiqata əsasən, smartfon istifadəçilərinin 951 milyonu
Asiya-Sakit okean regionunun payına düşür. Avstraliyada ölkə
əhalisinin 50 faizi 2013-cü ildə smartfondan istifadəyə
başlayıblar.
Hazırda smartfon istifadəçilərinin sayına görə Çin dünyada birinci
yerdədir. 2014-cü ildə onların sayı 521,7 milyon nəfər olacaqdır.
2018-ci ilədək Çin əhalisinin 50 faizi smartfonlardan istifadə
edəcəkdir.