Sabahdan hava düzələcək

30 İyun 2014 11:19 (UTC+04:00)

Azərbaycan ərazisində iyunun 28-dən başlayaraq, müşahidə olunan qeyri-sabit hava şəraiti sabahdan mülayimləşəcək.

Ekologiya və Təbii Sərvətlər Nazirliyi Milli Hidrometeorologiya Departamentindən Trend-ə verilən məlumata görə, sabah gündüzdən ölkə ərazisində küləyin sürəti zəifləyəcək. Havanın temperaturu da ötən günlərlə müqayisədə yüksələcək.

Qeyd edək ki, iyunun 28-dən Azərbaycan ərazisində hava şəraiti dəyişib, güclü külək əsir. Şimal küləyi iyunun 29-u və 30-da daha da şiddətlənib. Bu günlərdə havanın temperaturu ötən günlərlə müqayisədə 3-5 dərəcə aşağı enib.