Terror təşkilatı İraq Şam İslam Dövlətinin (İŞİD) lideri Əbubəkr əl Bağdadi, yayımlanan yeni bir səs qeydində, cihad çağırışı edib.
Movqe.Az xəbər verir ki, ötən günlərdə adını "İslam Dövləti" olaraq dəyişdirən və Əl Bağdadini də xəlifə elan edən təşkilatdan yeni bir şərh gəlib.
"Reuters"in xəbərinə görə, internetdə yayımlanan səs qeydində dünyadakı bütün müsəlmanları "İslam Dövləti" nə qayıtmağa çağıran Əl Bağdadi, "İslamın evinə gəlmək fərzdir" deyib.
Əl Bağdadi həmçinin dünyadakı bütün Müsəlmanlara qarşı edilən səhvlərin intiqamının alınması üçün İŞİD xadimlərinə müraciət edib.