Nazir Qaxda qəbul keçirəcək

3 İyul 2014 18:45 (UTC+04:00)

Rabitə və yüksək texnologiyalar naziri Əli Abbasovun iyulun 5-i saat 09:30-da Qax rayonunda (Qax, Zaqatala, Balakən, Şəki, Oğuz) əhaliyə göstərilən telekommunikasiya, internet, poçt, radio və televiziya yayımı xidmətlərinin keyfiyyəti, xidmət mədəniyyəti, bu sahədə bölgələrdə əhalini maraqlandıran məsələlərlə bağlı vətəndaşların qəbulu planlaşdırılır. 

Nazirliyin mətbuat xidmətindən Movqe.az-a daxil olan məlumata görə, vətəndaşlardan [email protected] elektron poçt ünvanı, 1655 saylı "Qaynar xətt", 598 38 18 nömrəli (regionlardan edilən zənglər pulsuzdur) telefon vasitəsilə əlaqə saxlayıb qəbula yazılmaları xahiş olunur. Eyni zamanda qəbula gəlmək istəyən vətəndaşlar, zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar.