Gürcüstanlı qadın sürücü Bakıda qəzaya düşdü
5 İyul 2014 11:15 (UTC+04:00)
Bakıda sürücünün sürət həddini aşması qəzaya səbəb olub. Movqe.az
ANS PRESS-ə istinadən xəbər verir ki , Suraxanı rayonu ərazisində
qeydə alınan hadisə zamanı iki minik avtomobili toqquşub. Aeroport
şosesi ilə üzü Mərdəkan qəsəbəsi istiqaməində hərəkət edən
"Hyundai" maraklı minik maşını onunla eyni istiqamətdə olan
Gürcüstan vətəndaşı Orli Palaqaşviliyə məxsus "Chevrolet" markalı
digər nəqliyyat vasitəsinin arxasına çırpılıb. Zərbənin təsirindən
"Chevrolet"in xanım sürücüsünün sükana nəzarəti itirib ki, bu da
son olaraq minik maşının dəmir arakəsmələrə çırpılması ilə
nəticələnib.
Hadisə zamanı xəsarət faktı da qeydə alınıb. Belə ki, "Hyundai"nin
sürücüsü və onun xanım sərnişini yüngül yaralanıb. Onlara da hadisə
yerinə çağırılan təcili tibbi yardım briqadasının həkimləri kömək
edib.
Qəza sözü gedən yolda avtomobillərin hərəkətində sıxlığın
yaranmasına da səbəb olub.
Qəzanın təfərrüatlarını Suraxanı polisi araşdırır. Yol nəqliyyat
hadisəsinin hansı sürücünün günahı ucbatından baş verdiyi isə
aparılacaq təhqiqatın sonunda məlum olacaq.