Dünyanın ən zəngin prezidentləri
5 İyul 2014 18:10 (UTC+04:00)
Dünyanın ən zəngin prezidentinin adına aydınlıq gəlib.
Movqe.az ANS PRESS-ə istinadən xəbər verir ki, bu barədə
"Huffington Post" məlumat yayıb. Nəşrin hesabatına görə, dünyanın
zəngin siyasətçisi Rusiya prezidenti Vladimir Putindir. RF
prezidentinin 40-70 milyard dollar arasında var-dövləti olduğu
təxmin edilir.
Siyahıda ikinci sırada 30 milyard dollarlıq büdcəsi ilə Tayland
kralı Bhumibol Adulyadejdir. Üçüncü sırada isə Bruney sultanı
Hassanal Bolkiah qərarlaşıb. Sultanın varidatının 20 milyard dollar
civarında olduğu deyilir. Səudiyyə Ərəbistanı kralı Abdullah Bin
Abdul Əziz əl Saud isə 18 milyardlıq var-dövləti ilə siyahıda 4-cü
yerdədir. İlk beşliyi 15 milyard dollarlıq varidatı ilə Şeyx xəlifə
Bin Zayid əl Nahyan tamamlayır.
6-cı sırada digər bir ərəb, Ərəb Əmirlikləri baş nazirinin müavini
Şeyx Məhəmməd Bin Rəşid Əl Maktum 4 milyard dollar ilə yer alır.
Lixtenşteyn şahzadəsi Hans Adam və Şimali Koreya lideri Kim Çen In
isə hərəyə 5 milyard dollarlıq sərvətləri ilə siyahıda 7 və 8-ci
sıraları bölüşdürürlər.
Dünyanın aparıcı fövqəldövlətlərinin rəhbər şəxsləri isə təsəvvür
ediləndən xeyli kasıb imişlər. Belə ki, ABŞ prezidenti Barak
Obamanın və Almaniya baş naziri Angela Merkelin fərdi sərvəti
hərəyə 12 milyon dollardır.