NATO gəmiləri Qara dənizə girdi, Rusiya cavab verdi
5 İyul 2014 19:11 (UTC+04:00)
Rusiya Hərbi Dəniz donanması Qara dənizdə təlimlərə başlayıb.
Movqe.az ANS PRESS-ə istinadən xəbər verir ki, bu barədə Rusiya
Müdafiə Nazirliyi açıqlama yayıb. Açıqlamada bildirilir ki,
təlimlərdə 20-yə yaxın döyüş gəmiləri, 20-dən çox hərbi təyyarə və
vertolyotlar, dəniz piyada birlikləri, Qara dəniz donanmasının
sahil raket-artilleriya qoşunlarının bölmələri iştirak edir.
Təlimlərin keçirilməsində məqsəd Qara dəniz donanması hərbi
gəmilərinin düşmən gəmilərini zərərsizləşdirmə, hədəfi düzgün
vurma, havadan edilən hücumların qarşısını alma qabiliyyətinin
yoxlanılmasıdır.
Qeyd edək ki, ötən gün NATO 4 hərbi gəmisi Qara dənizə daxil
olmuşdu.