İŞİD darmadağın oldu
6 İyul 2014 11:21 (UTC+04:00)
İraqın Əl-Ənbar rayonunda təhlükəsizlik qüvvələri ilə terror
təşkilatı olan İraq Şam İslam Dövləti (İŞİD) arasında çıxan
qarşıdurmalarda 22 nəfərin öldüyü, 17 nəfərin isə yaralandığı
bildirilib.
Movqe.az ANS PRESS-ə istinadən xəbər verir ki, Ənbar əməliyyat
komandiri general-leytenant Rəşid Felih bildirib ki, Ənbara bağlı
əl-Fəllucə mahalının şərq və şimalında ordu birlikləri ilə İŞİD
arasında yaşanan qarşıdurmalarda 18 terrorist öldürülüb, 11
terrorist isə yaralanıb. Bundan başqa, "İŞİD"ə aid 5 hərbi
vasitənin yandırıldığını da general qeyd edib. Qarşıdurmada İraq
ordusunun 3 əsgərinin yaralandığını bildirilir.
Qeyd edək ki, bir müddətdir İraqda silsilə vəhşiliklər həyata
keçirən "İŞİD"ə aid silahlı qruplaşmalar Mosul, Tikrit, Baxibə və
Telafer şəhərlərini, bundan başqa Ənbar, Əl-Qaim, Ravə, Aneh, Ratbə
və Hadisə kəndlərini ələ keçirib. Qarşıdurmalar səbəbilə təxminən 1
milyon vətəndaş köç etmək məcburiyyətində qalıb. Ölkənin müxtəlif
yerlərində "İŞİD" ilə təhlükəsizlik qüvvələri arasında toqquşmalar
davam edir. İraq ordusu "İŞİD"ə aid silahlı qruplaşmaların
nəzarətində olan bölgələrə hava hücumları təşkil edir.