Azan tez oxundu, minlərlə oruc batil oldu
6 İyul 2014 13:07 (UTC+04:00)
Türkiyənin şimalında yerləşən Kastamon şəhərinin Tosya kəndində
Ramazan qalmaqalı yaşanıb.Movqe.az ANS PRESS-ə istinadən xəbər
verir ki, mərkəzi sistemlə azan oxunan mahalda, saat 20:28-də
oxunması lazım olan axşam azanı, imamın səhvi ucbatından 20.18-də
oxunub və arxasından Ramazan topu atılıb.
Bunun ardınca bir çox vətəndaş vəziyyətin fərqinə varmadan orucunu
açıb. Ancaq 10 dəqiqə sonra təkrar azan oxunması və topun
atılmasıyla vətəndaşlar arasında qarışıqlıq yaşayıb.
Tosya müftisi Mehmet Korkmazın bildirdiyinə görə, azanın 10 dəqiqə
tez oxunmasının səbəbi, buna boyun olan şəxsin saatı səhv salması
ilə əlaqədar olub.
Qeyd edək ki, bilmədən edilən səhv orucu batil etməsə də, vacib
ayini yerinə yetirərkən diqqətli olmaq tövsiyyə edilir.