İnsanların pələngdən qorxması normal bir haldır. Ancaq Kiyev
zooparkında olan bu pələngi o vəziyyətə çatdırıblar ki, o,qorxudan
şoka düşüb. Movqe.az ANS PRESS-ə istinadən xəbər verir ki ,
səbəb içkili vəziyyətdə olan bir kişinin çəpəri aşaraq,
xəlvətcə 6 yaşlı Malış adlı pələngə yaxınlaşması olub.
Bu zaman pələng caynağları ilə kişinin üzərinə atılıb. Sərxoş isə
üzərində gəzdirdiyi silahdan havaya atəş açıb. Həmin kişi sonradan
polis tərəfindən saxlanılıb və tibbi müayinə üçün yerli xəstəxanaya
aparılıb.
Zoopark işçisinin sözlərinə görə, insidentdən sonra pələngin bir
neçə saat tərpənmədən dayanıb. Özünə gəldikdən sonra isə daima
təşviş keçirir.
Deyilənə görə, yırtıcı heyvanın qəfəsinə daxil olmuş həmin kişi
bundan əvvəl də oxşar hərəkəti etməyə cəhd etsə də qarşısı alınıb.
Bu hərəkətini 'pələngləri çox sevməsi ilə əsaslandırır. Onun bəxti
onda gətirib ki, "Malışın" qəfəsinə düşüb, çünki Malış yaşlı olsa
da, insanlara dostcasına rəftar edib. Əks halda qəfəsə hücum faciə
ilə nəticələnə bilərdi.