Müğənni Xumar Qədimova sosial şəbəkəni həyatlarının ayrılmaz
hissəsinə çevirib, hər addımbaşı fotolarını, yediklərini,
içdiklərini hətta geydiklərini belə izləyiciləri ilə paylaşan
həmkarlarını qınaq obyektinə tutub. Mövqe.az xəbər verir ki,
müğənni açıqlamasında belə deyib: "Heç bir sosial şəbəkədə yoxam.
Və olmaq fikrim də yoxdu. Bu yaxında mənim üçün mahnı yolladılar
ki, bu mahnının bəstəkarı istəyir ki, həmin mahnını sən oxuyasan.
Mən də başqa nömrədə özümə votsapp açmışam. İnanın normal vaxtda
bir kitabı bir aya oxuyurdumsa o votsapp açılandan sonra artıq bir
ay keçib, amma kitabı hələ də bitirməmişəm. O nömrəni də 3-5 adam
bilir. O insanlar mənə mane oldu, fikirim qaldı orada.Yordular
məni...".
İnstaqramda olan məşhurlar da görünür X. Qədimovanın qəzəb
atəşinə tuş gəlib: "İnstaqrama alergiyam var. Axı kimə maraqlıdır
ki, biz harda, hansı çaydan içirik. Tamaşaçını yormaq olmaz. Bəlkə
də nəğmələrimin köməkliyi ilə hələ də gündəmdə qalmağı bacarıram və
ona görə belə danışıram. Ehtiyacım yoxdur İnstaqrama şəkil qoyub,
yada düşüm. Bəlkə zaman gələr mən də tükənərəm, o zaman şəklimi
qoyaram".