Ağrıkəsicilər infarkt və iflic ehtimalını artıra bilər

9 İyul 2014 00:34 (UTC+04:00)

Adi məişətdə istifadə edilən ağrıkəsici dərmanlar böyük dozalarda və ya uzunmüddət qəbul edilərsə infarkt və iflic olma ehtimalını artıra bilər.

Ekspertlər 116 mindən çox adam üzərində 30-dan çox klinik sınaq apararaq ağrıkəsici dərmanların insan səhhətinə təsirini öyrəniblər.


Son sınaqlar zamanı ibuprofen, naproksen, diklofenak kimi geniş istifadə edilən dərmanlar tədqiq ediliblər.

Həkimlər mütəmadi surətdə artrit kimi halların müalicəsi üçün bu dərmanları qəbul etməyi məsləhət görürlər.


Özü də bu zaman daha böyük dozalar içmək tapşırılır.

British Medical Journal dərgisində dərc olunmuş son tədqiqata məlum olub ki, lumiracoxib infarkt ehtimalını, ibuprofen isə iflic halını üç dəfə çoxalda bilər.