"London" taksilərində I Avropa Olimpiya Oyunları ilə bağlı yenilik-Özəl
9 İyul 2014 13:46 (UTC+04:00)
"Azərbaycanda keçiriləcək I Avropa Olimpiya Oyunlarına hazırlıq
çərçivəsində "Bakı Taksi" MMC "London" taksi sürücülərinə xüsusi
uniforma hazırlayır. Movqe.az-a bu barədə
məlumat verən "Bakı Taksi" MMC-nin maliyyə müdiri Vüqar İbrahimov
bildirib ki, yeni uniformalara I Avropa Olimpiya Oyunlarının
loqotipi vurulacaq. V. İbrahimovun sözlərinə görə, I Avropa
Olimpiya Oyunlarına hazırlıq çərçivəsində artıq təşkilatı işlərə də
başlanılıb: "Biz artıq hava limanında qonaqların qarşılanması üçün
sürücülərin vərdişlərə yiyələnməsi məqsədilə işlərə başlamışıq.
Burada məqsəd I Avropa Olimpiya Oyunlarına gələcək əcnəbi qonaqlara
sürücülüər tərəfindən yüksək səviyyədə taksi ximəti göstərmək
vərdişinin aşılanmasıdır. Biz daxili təlimatla sürücülərə qonaqlara
baqaj xidmətinin də göstərilməsi, qonaqların əlindəki yükün
alınaraq baqaja yerləşdirilməsi ilə bağlı təlimatlar vermişik. I
Avropa Olimpiya Oyunları ərəfəsi "Eurovision"da dil biliklərinə
yiyələnən sürücülər hava limanınada taksi xidmətinə cəlb ediləcək.
Artıq indidən Heydər Əliyev adına Hava limanında taksi dispetçer
xidməti də yaradılıb".