Bu gün hava necə olacaq?
13 İyul 2014 13:06 (UTC+04:00)
Bu gün Bakıda və Abşeron yarımadasında hava şəraitinin dəyişkən
buludlu olacağı, yağmursuz keçəcəyi, axşam buludluluğun artacağı
gözlənilir.
Movqe.az-ın Ekologiya və Təbii Sərvətlər Nazirliyinin Milli
Hidrometeorologiya Departamentinə istinadla verdiyi məlumata görə,
mülayim şimal-qərb küləyi gündüz arabir güclənəcək. Havanın
temperaturunun gecə 20-25, gündüz 31-36 dərəcə isti olacağı
gözlənilir.
Atmosfer təzyiqi 757 mm civə sütunu, nisbi rütubət gecə 70-80,
gündüz 45-55 faiz təşkil edəcək.
Abşeron çimərliklərində dəniz suyunun temperaturu: Sumqayıt,
Novxanı, Pirşağı, Nardaran, Bilgəhdə 25-26, Zağulba, Mərdəkan,
Şüvəlan, Buzovnada 26-27, Türkan, Hövsan, Şıx, Sahildə 27-28 dərəcə
isti təşkil edəcək.
Azərbaycanın rayonlarında isə bu gün əsasən axşam və gecə bəzi
yerlərdə şimşək çaxacağı, yağış yağacağı gözlənilir. Qərb küləyi
əsəcək, ayrı-ayrı yerlərdə arabir güclənəcək.
Havanın temperaturunun gecə 20-25, gündüz 33-38, dağlarda gecə
11-16, gündüz 20-25 dərəcə isti olacağı gözlənilir.