Əfqanıstanda seçkı bülletenləri yenidən sayılacaq
13 İyul 2014 21:00 (UTC+04:00)
Əfqanıstanda keçirilmiş prezident seçkilərinin ikinci turunda böyük
saxtalaşdırma hallarınin yoxlanılması vacibdir.
Movqe.az ANS PRESS-ə istinadən xəbər verir ki, bu bəyanatla Kabildə
səfərdə olan ABŞ dövlət katibi Con Kerri keçirdiyi mətbuat
konfransında çıxış edib.
"Bülletenlər BMT-nin nəzarəti altında sayılacaqdır", - deyən
amerikalı diplomat əlavə etmişdir ki, bu proses 24 saat ərzində
Kabildə başlayacaqdır.
Kerri, həmçinin bildirib ki, hər iki namizəd – Abdulla Abdulla və
Əşrəf Qəni Əhmədzay, eləcə də dövlət başçısı postunu tərk edən
Həmid Kərzayi aparılan danışıqlar zamanı səslərin yenidən sayılması
ilə razılaşıblar.
Dövlət katibi qeyd edib ki, avqustun 2-nə təyin olunmuş inaqurasiya
başqa vaxta keçiriləcəkdir.
Xatırladaq ki, Əfqanıstan müstəqil seçki komissiyasının ilkin
məlumatlarına görə, Əşrəf Qəni Əhmədzay prezident seçkilərində
56,44 faiz səslə qalib gəlib. Onun rəqibi Abdulla Abdulla
seçicilərin 43,56 faizinin səsini yığıb. Bu nəticələrlə
razılaşmayan A.Abdulla səslərin kütləvi surətdə saxtalaşdırıldığını
bildirmiş və bəyan edib ki, ölkədə "paralel hökumət" yaradacaqdır.