"Bu gün Qədr gecəsidir"- Axund
16 İyul 2014 15:26 (UTC+04:00)
Bu gün 11 ayın sultanı Ramazan ayının 18-ci mübarək günüdür. 18-dən
19-na keçən gecə isə Qədr gecəsidir. Mövqe.az-ın əməkdaşı ilə
danışan zaman bu barədə Buzovna kəndinin Axundu Hacı Soltan məlumat
verib: " Bəli, bu gecə Qədr gecəsidir. Birinci Əhyanın gecəsidir.
Bu gecə "Qurani-Kərim" nazil olunub. Bu gecənin fəziləti, ibadəti
min ayın ibadətinə bərabərdi".
"Bu gecə necə ibadət etmək daha məqsədə uyğundur" sualına isə
Axund belə cavab verib: "Bu gecə səhərə qədər oyaq qalmaq lazımdır.
Bugünkü gün insanlar məcidlərə toplaşır, gün batana yaxın qüsul
alırlar. Bu günün xüsusi qüsulunu almaq çox böyük savabdı. Səhərə
qədər "Quran" oxumaq, namaz qılmaq, dua eləmək savabdı. 2 rükət
Qədr gecəsinin xüsusi namazını qılmaq da vacibdir. Təsbehlə
zikirlər edilir, yüz salavat çevrilə bilər. İnsanlar hansı duaları
bilirlərsə oxuyub, Allahdan bağışlanmaq istəyirlər. Bu ay rəhmət,
bərəkət, məxfirət ayıdır. Bu ay oruc tutanlar üçün Allah o dünyada
məxfirət, yəni bağışlanmaq qoyubdur. Allah bütün müsəlmanların
oruc, namazlarını qəbul etsin".
Axund Buzovna kəndində də bu günün
necə keçirilməsi barədə məlumat verib: "Buzovna kəndində Ramazan
ayı başlayandan bu günə kimi hər gün caamat namazı qılınır. Bu gün
axşam biz də məciddə olacağıq. Qeyd etdiyim əməlləri sakinlərlə
birlikdə həyata keçirəcəyik. Cümə məcdimizdə 500 adamla dua
edəcəyik. Möminlər məciddə səhərə qədər qalıb, dua edib, namaz
qılırlar. Sonra səhərə yaxın imsaq süfrəsi açılır, sübh namazını da
birlikdə qılırıq. Ancaq sübh namazından qabaq Quranı başımıza
qoyub, dua edirik".