Ermənilərin payız həyəcanı
19 İyul 2014 17:00 (UTC+04:00)
Ermənistan əhalisinin fəlakətli vəziyyəti getdikcə
daha da pisləşir. Movqe.az ANS PRESS-ə istinadən xəbər verir ki ,
bu Cənubi Qafqaz respublikasının vətəndaşları artıq bu gün elektrik
enerjisi tariflərinin artırılmasının nəticələrini öz üzərlərində
hiss edirlər. Bahalaşma avqustun 1-dən nəzərdə tutulsa da artıq bu
gün mağazalarda yerli istehsal mallarının qiyməti qalxıb. İdxal
malları isə həmişə erməni ailələri üçün əlçatmaz
olub.
Əlbəttə, qiymət siyasətində bu cür dəyişikliyi
gözlənilməzlik saymaq olmaz, amma heç kim gözləmirdi ki, bu, belə
sürətlə baş verəcək. Yerli mətbuat yazır ki, artıq yaxın günlərdə
çörəyin, süd məhsullarının, yumurtanın və başqa ərzaq məhsullarının
qiyməti qalxacaq. Nəşrlər həyəcanla soruşur ki, indi birtəhər
tərəvəzlə baş girləmək olur, bəs, qışda vəziyyət necə olacaq? İlin
bu çağlarında əhalinin sosial vəziyyəti, sadəcə, fəlakətli
olacaq.
Nəticədə, öz ölkəsini tərk edən insanların sayı
artacaq, qalanlar isə sadəcə etiraz aksiyalarına qatılacaqlar.
Hakimiyyət, təbii ki, məsələdən xəbərdardır və buna görə də
azərbaycanlı "diversant"larla olduğu kimi hər cür əfsanələr
uydurur. Əhalini kədərli düşüncələrdən və etiraz aksiyalarından
təcrid etmək üçün hər şeyə əl atırlar. Ağıllarına ilk gələn şey
"sülhsevər" Ermənistanı guya param-parça etmək istəyən, guya ora
diversant və terrorçular yollayan Azərbaycanın təcavüzkar obrazının
yaradılmasıdır. Əlbəttə, ənənəvi "soyqırım" da işə
yarayar.
Ölkə həyatındakı siyasi və iqtisadi çətinliklərlə
bağlı Ermənistan mətbuatı qarşıdan gələn payız barədə daha çox
material verməyə başalayıb, bu payızın çox qızmar keçəcəyini
bildirirlər.
Səsi gündən günə güclənən ənənəvi müxalifətlə
yanaşı, mətbuatın fikrincə, daha bir qüvvə peyda olub ki, o, hələ
susur və kölgədə qalmağa üstünlük verir. Qəzetlər yazır ki, məhz bu
qüvvə güclərini toplayır və indiki hakimiyyətə qarşı yeni cəbhə
açır.
İnsanlar dəyişiklik istəyir və mütləq ona nail
olacaqlar.