İdmançımız erməni rəqibini “sürüdü”
20 İyul 2014 13:17 (UTC+04:00)
Slovakiyanın Snina şəhərində yeniyetmə güləşçilərin Dünya
çempionatı davam edir.
Movqe.az xəbər verir ki , Azərbaycan Güləş Federasiyasından
verilən məlumata görə, çempionatın beşinci günündə 42, 50, 58, 69
və 85 kq çəki dərəcələrində yeniyetmə sərbəst güləşçilər mübarizəyə
qoşulub. Güləşçilərimiz yarış gününü 1 qızıl və 2 gümüş medalla
başa vurub.
42 kq çəkidə mübarizə aparan İntiqam Vəlizadə Qazaxstan və Rumıniya
güləşçilərini məğlub edib. Yarımfinalda Rusiya güləşçisi ilə
görüşdən məğlub ayrılan təmsilçimiz bürünc medal uğrunda görüşə
çıxıb. Həlledici qarşılaşma Yaponiya güləşçinin üstünlüyü ilə başa
çatıb. İntiqam Vəlizadə çempionatı 5-ci sırada tamamlayıb.
50 kq çəki dərəcəsində təmsilçimiz Əfqan Xaşalov finala qədər
maneəsiz irəliləyib. O, ardıcıl olaraq Ukrayna, Gürcüstan, İran və
Hindistan güləşçilərini mübarizədən kənarlaşdırıb. Finalda Əfqan
Xaşalov ABŞ təmsilçisi ilə görüşdən məğlub ayrılıb və gümüş medalla
kifayətlənib.
58 kq-da mübarizə aparan Mahir Əmiraslanov ilk görüşündə erməni
rəqibini böyük hesabla məğlub edib. Ardınca Ukrayna, Qazaxstan və
Türkiyə təmsilçiləri üzərində qələbə qazanan güləşçimiz finala
yüksəlib. Finalda rəqib Rusiya idmançısı ilə gərgin keçən görüş
rəqibin xeyrinə başa çatıb. Mahir Əmiraslanov Dünya çempionatını
gümüş medalla başa vurub.
85 kq çəkidə təmsilçimiz Şamil Sadullayev də finala qədər bütün
rəqiblərindən üstün olub. Hindistan, Ukrayna və Rusiya
güləşçilərini məğlub edən Şamil, finalda Türkiyə təmsilçisi ilə
qarşılaşıb. Rəqibinə şans verməyən güləşçimiz Dünya çempionatını
qızıl medalla başa vurub.
42 kq
1/8 final - Anuar Nurgeldi (KAZ) - İntiqam Vəlizadə 1:4
1/4 final - İntiqam Vəlizadə - Costel Tarcoci (ROU) 8:0
1/2 final - İntiqam Vəlizadə - Maksim Zamorşikov (RUS) 1:12
Bürünc medal görüşü - Daiqo Hattari (JPN) - İntiqam Vəlizadə
12:3
50 kq
1/16 final - Əfqan Xaşalov - Roman Gutsulyak (UKR) 2:0
1/8 final - Əfqan Xaşalov - Gaioz Gongladze (GEO) 8:6
1/4 final - Əfqan Xaşalov - Nadir Nasrisamakuş (İRİ) 5:2
1/2 final - Əfqan Xaşalov - Vasant Prakaş (İND) 10:9
FİNAL - Spencer Lee (USA) - Əfqan Xaşalov 9:0
58 kq
1/16 final - Vardges Karapetyan (ARM) - Mahir Əmiraslanov 0:11
1/8 final - Enrike Fombeya (UKR) - Mahir Əmiraslanov 1:4
1/4 final - Mahir Əmiraslanov - Kuatbek Muxambet (KAZ) 10:5
1/2 final - Mahir Əmiraslanov - Ali Cam (TUR) 3:1
FİNAL - David Baev (RUS) - Mahir Əmiraslanov 6:3
69 kq
1/8 final - Məhəmməd Həsənzadə - Mason Manville (USA) 1:14
Təsəlliverici görüş - Məhəmməd Həsənzadə - Georgi Paskalov (MDA)
0:2
85 kq
1/8 final - Şamil Sadullayev - Karamjeet Karamjeet (İND) 4:2
1/4 final - Şamil Sadullayev - Yeqor Yevlogiyev (UKR) 2:0 (təmiz
qələbə)
1/2 final - Ruslanbek Aldiyev (RUS) - Şamil Sadullayev 2:4
FİNAL - Şamil Sadullayev - Semih Yazıcı (TUR) 4:1