Lənkəranda 23 yaşlı gənc göldə boğulub
20 İyul 2014 20:00 (UTC+04:00)
Lənkəranda bədbəxt hadisə baş verib.
Movqe.az xəbər verir ki , Rayon Polis Şöbəsinin növbətçi
hissəsindən APA-ya verilən məlumata görə, hadisə iyulun 19-da axşam
saatlarında rayonun Havzava kəndində qeydə alınıb. Sözü gedən
kənddəki qohumlarının evinə qonaq gəlmiş Lerik rayon sakini,
1991-ci il təvəllüdlü Fərahim Salman oğlu Rəhimov kənddəki göldə
çimərkən boğulub. Onun meyiti yerli sakinlər tərəfindən sudan
çıxarılaraq aidiyyəti üzrə təhvil verilib.
Faktla bağlı araşdırma aparılır.