FHN köməksiz qalan qadını xilas etdi
20 İyul 2014 19:19 (UTC+04:00)
Fövqəladə Hallar Nazirliyinin "112" qaynar telefon xəttinə daxil
olmuş məlumata əsasən, Bakı şəhəri, Nəsimi rayonunda 1958-ci il
təvəllüdlü qadın köməksiz vəziyyətdə qalıb.
Movqe.az ANS PRESS-ə istinadən xəbər verir ki, dərhal Fövqəladə
Hallar Nazirliyinin müvafiq xilasetmə qüvvələri hadisə yerinə cəlb
olunub. Hadisə yerində əməliyyat şəraiti qiymətləndirilərkən məlum
olub ki, həmin şəxs yaşayış binasının blokunun giriş hissəsi məişət
və tikinti materiallarının tullantıları ilə bağlandığından çıxmaq
iqtidarında olmayıb. Xilasedicilər təhlükəsizlik qaydalarına riayət
etməklə qadına müvafiq köməklik göstəriblər.