Dünyada ən böyük xeyriyyə avtorallisi Bakıdan keçəcək

20 İyul 2014 22:11 (UTC+04:00)

Dünyada ən böyük xeyriyyə avtorallisi ilk dəfə olaraq bu il Bakıdan da keçəcəkdir.

Movqe.az ANS PRESS-ə istinadən xəbər verir ki, bu barədə Rumıniyanın "Agepress" agentliyi rallinin iştirakçılarına istinadən məlumat verir.

Avtoralli iyulun 20-də Londonda start götürür. Tədbirin iştirakçıları şəhər avtomobillərində Londondan Monqolustanın paytaxtı Ulan-Batoradək məsafə qət edəcəklər. Bu marşrutda Bakı məcburi dayanacaq məntəqələri siyahısına daxil edilib. İştirakçıların iyulun 29-da Bakıya gələcəkləri gözlənilir.

Avtoyürüşdə iştirak etmək üçün komandalar xeyriyyə məqsədlərinə 1000 avro yönəltməli və marşrutu yalnız adi avtomobillərdə qət etməlidirlər.