Paytaxtda zəncirvari qəza baş verdi
29 İyul 2014 12:10 (UTC+04:00)
Paytaxtda zəncirvari yol qəzası baş verib.
Movqe.az APA-ya istinadən xəbər verir ki , yol nəqliyyat hadisəsi
Səbail rayonunda qeydə alınıb. Hadisə zamanı 26 yaşlı Vurğun Əliyev
"Mercedes" markalı avtomobili Qurban Abbasov küçəsi ilə əks
istiqamətdə idarə edərkən bu zaman o, avtomobili yol kənarında
dayanan başqa "Mercedes"ə çırpıb. Zərbənin gücündən "Mercedes"
arxada dayanan və Arzu Nəsibova məxsus "Bmw" markalı avtomobilə də
dəyib.
Hadisə nəticəsində vurulan "Mercedes"in sahibi Vüqar Babayev yüngül
xəsarət alıb. Ona tibbi yardım göstərildikdən sonra evə
buraxılıb.
Hadisədən sonra əraziyə yol patrul xidmətinin əməkdaşlari cəlb
olunub. İlkin araşdırma nəticəsində müəyyən edilib ki, hadisəyə
Vurğun Əliyevin avtomobili sərxoş vəziyyətdə idarə etməsi səbəb
olub.
Qəza ilə bağlı başlanan araşdırmalardan və sürücülərin izahatları
alınandan sonra hadisəyə hüquqi qiymət veriləcək.