Bakı ermənilərin yuxusunu ərşə çəkdi
29 İyul 2014 14:14 (UTC+04:00)
Paris Bakıya silah satacaq? Movqe.az ANS PRESS-ə istinadən xəbər
verir ki , bu mövzu Ermənistanın mətbu orqanlarının əsas
mövzularından biri olub.
Qəzetin yazdığına görə, Fransanın silah satışı haqqında məlumat
öyrənmək çox çətindir. Yaxşı ki, bu sahə açıq deyil. Çox saylı
mənbələrdən bəlli olub ki, bu ilin may ayında Bakıya səfəri zamanı
Fransa prezidenti Fransua Olland ölkəsinin istehsal etdiyi havadan
müdafiə sistemlərini Bakının əldə etməsinə çalışıb.
Olland azərbaycanlı həmkarı İlham Əliyevə bu sistemin Xəzərdəki
neft yataqlarının etibarlı müdafiəsini təmin edəcəyini deyib.
Erməni qəzetlərinin özləri qeyd edirlər ki, bu silah hücum
xarakterli yox, daha çox müdafiə üçündür. Bəs onda bizim
qonşularımızı narahat edən nədir. Demə çox şey...
Birincisi, nə üçünsə Bakıya silah satmaq olmaz. Qondarma soyqırımın
yaxınlaşan dumanlı yubileyi ilə bağlı. Silahla soyqırımın nə
əlaqəsi var? Məntiqsizdir.
İkincisi, nəşr xüsusi olaraq qeyd edir ki, Fransa Minsk qrupunun
həmsədr ölkələrindəndir və tərəflərin sərhəddində baş verən hər
şeyə görə məsuliyyət daşıyır.
Onda erməni ordusu hansı silahla təhciz edilib? Düzdür, Rusiya
silahları ilə. Bu ölkə də həmsədr ölkələrdəndir. Nə üçün birinə
olar, digərinə yox?
Xatırladaq ki, hələ Qarabağ münaqişəsi zamanı Moskva İrəvana nəinki
silahla, eləcə də hərbi hissələrlə kömək edib. Buna misal olaraq
isə Xocalıda soyqırım törədən 366-cı motoatıcı alayı göstərmək
olar.
Bundan əlavə Rusiya bu günə kimi Ermənistana lazımı hərbi texnikanı
verir. Ya pulsuz, ya da çox aşağı qiymətlə. Buna baxmayaraq hətta
Ermənistan prezidenti Serj Sarkisyan da bir müddət öncə Moskvanı
Azərbaycana silah satışı ilə bağlı kəskin tənqid etmişdi.
Qeyd edək ki, Bakı Rusiyadan lazımı silahı kommersiya qiymətinə
uyğun alır ki, bu da Moskvanın İrəvana böyük hədiyyələri ilə bağlı
iqtisadiyyatına dəyən ziyanı qismən bərpa edir.
Fransa NATO üzvüdür, ABŞ-ın yaxın tərəfdaşıdır. Və əgər bu ölkə
həqiqətən də bizə silah satmaq istəyirsə, bu ancaq bir mənaya gələ
bilər - dünyada, xüsusilə qərbdə anlamağa başlayırlar ki, Bakı heç
kimə hücum etmək haqqında düşünmür. Azərbaycan təcavüzkar ölkə
deyil.
Azərbaycan ancaq bir şey istəyir - kobud desək, qonşu ermənilər
tərəfindən zəbt edilən, işğal altında olan torpaqlarını geri
qaytarmaq.