84 əsgər xilas edildi
1 Sentyabr 2014 12:00 (UTC+04:00)
Donetsk vilayətinin İlovaysk şəhərində 84 hərbçi
separatçıların mühasirəsindən xilas edilib. ANS PRESS-in məlumatına
görə, bu barədə Ukrayna Daxili İşlər Nazirinin müşaviri Anton
Qeraşenko facebook səhifəsində yazıb.
Onun sözlərinə görə, "Donbass" batalyonunun 69,
"Svityaz" batalyonunun 11, DİN-in Xüsusi "Dnepr 1" batalyonunun 4
döyüşçüsü mühasirədən xilas edilib. Mühasirədən çıxarılan
əsgərlərdən 4-nün qadın olduğu bildirilir.
Qeraşenko bildirib ki, bu gün separatçıların
mühasirəsində qalan Ukrayna ordusunun hərbçilərinin adlarının
siyahısı açıqlanacaq.
"Onların hər birini xilas etməyə çalışırıq", deyə
müşavir bildirib.
Qeyd edək ki, Rusiya qoşunları Ukraynaya daxil
olduqdan sonra Ukrayna hərbçilərinin böyük hissəsi Donetsk və
Luqanskda mühasirəyə düşüblər.