Azərbaycanda yol qəzasında 609 nəfər ölüb
5 Sentyabr 2014 11:30 (UTC+04:00)
Sentyabr ayı başlayandan təkcə respublika yollarında baş verən
qəzalarda 10 nəfər dünyasını dəyişib. Ən dəhşətli qəza Sabunçu
rayonu Zabrat - Maştağa yolunda baş verib. "VAZ 2106" və "Mercedes"
markalı maşınların toqquşması zamanı "VAZ 2106"da olan 6 nəfərin
altısı da hadisə yerindəcə keçinib. Ağır yol qəzasına səbəb "VAZ
2106"nın əks yolla gələn "Mercedes"in qarşısına çıxması olub.
Xüsusilə şər vaxtı baş verən qəzalara səbəb sadəcə dönmə, ötmə
əməliyyatlırının düzgün aparılması və s. deyil, həm də yüksək
sürətdir. Respublika Baş Dövlət Yol Polisi idarəsindən verilən
məlumata görə təkcə bu ilin 7 ayında respublikanın avtomobil
yollarında 1 448 yol nəqliyyat hadisəsi baş verib. Bu qəzalarda 609
nəfər həlak olub, 1 483 nəfər yaralanıb. Sürət həddinin aşılması
211 nəfərin həyatına son qoyub.
Həmişə olduğu kimi bu dəfə də ümumi qəzalırın böyük faizini
piyadaların vurulması təşkil edir. Paytaxtın Nizami rayonunda qeydə
alınan yol nəqliyyat hadisəsində 46 yaşlı piyada Yura Məmmədov
diqqətsizliyin qurbanı olub. O yolu keçərkən "Mercedes" markalı
avtomobilin zərbəsinə tuş gəlib və aldığı ağır xəsarətlərdən elə
hadisə yerindəcə ölüb.
İl tam başa çatmasa da avtobus sürücülərinin iştirakı ilə baş verən
qəzalar da say etibarı ilə az deyil. Hələ yük avtomobillərinin
törətdiyi bədbəxt hadisələri demirik. Baş Dövlət Yol Polisi
idarəsinin mətbuat xidmətinin rəhpəri Kamran Əliyev sürücəlri idarə
etdikləri nəqliyyat növündən asılı olmayraq diqqətli olmağa
çağırır.
Diqqəti Hər birimiz əldən verməməliyik.Çünki hər an piyada,sürücü
qismində yolun hərəkət zolağında ola bilərik.