Yardım karvanı Ukraynaya keçdi
13 Sentyabr 2014 17:10 (UTC+04:00)
Rusiyadan hərəkət edən 70 yük maşınından ibarət, humanitar yardım
karvanı gömrük nəzarətindən keçərək Ukrayna ərazisinə daxil
olub.
Movqe.az-ın Milli.az-a istinadən verdiyi xəbərə görə, yük gömrük və
sərhəd qeydiyyatından keçib. Yükün qeydiyyatını Rusiya gömrükçüləri
ukraynalı əməkdaşlarının nəzarəti altında ediblər.
Qeyd edək ki, ATƏT-in beynəlxalq missiyası bildirib ki, Luqansk
ətraf yaşayış məntəqələrində əhaliyə ilkin lazım olan əşyaların
çatışmazlığı yaşayırlar. Su sistemi və elektrik şəbəkələri şəhərdə
işləmir.
Xatırladaq ki, bundan əvvəl də RF humanitar karvanının birinci
hissəsi 12 avqustda Ukrayna sərhəddini keçə bilmişdi.
RF bunun əksini iddia etsə də, bir çox ölkələr humanitar yük maşını
karvanını təxribat yönlü hesab edir. İddia var ki, karvan maşınları
separatçıların nəzarət etdiyi bölgələrdən həlak olan rus
əsgərlərinin cəsədini çıxarır.