Bərə qəzası: 29 nəfər itkin düşdü
14 Sentyabr 2014 19:00 (UTC+04:00)
Filippində bərə qəzası baş verib.
Movqe.az Milli.az-a istinadən xəbər verir ki, içərisində 84 nəfər
sərnişin daşıyan bərənin mühərrikində nasazlığın meydana gəlməsi və
qüvvətli dalğaların yaranması onun batması ilə nəticələnib. Batan
bərədəki sərnişinlərdən 29 nəfərinin itdiyi bildirilir.
Filippin hökumətinin səlahiyyətli orqanları ötən gecə Maharlika
adasından çıxan bərənin paytaxt Maniladan 680 km cənubda yerləşən
Panaon adasının 11 km uzaqlığında qəzaya uğradığı və qəzadan sonra
55 nəfərin aşkar edildiyi, digərlərinin isə hələ ki, izinə rast
gəlinmədiyi açıqlanıb.
Xilasedilənlərdən bir neçəsinin vəziyyətinin ağır olduğu
deyilir.
Həmçinin dalğaların güclü olması xilasetmə qrupunun da qəza yerinə
çatmasına maneə törədib.