Əlcəzairdə girov götürülən Fransa vətəndaşı edam olunub

25 Sentyabr 2014 10:41 (UTC+04:00)

Əlcəzairdə "İslam dövləti" qruplaşmasına yaxın yaraqlılar tərəfindən girov götürülən Fransa vətəndaşı Erve Qurdel edam olunub.


APA-nın "Gazeta.ru"-ya istinadən verdiyi xəbərə görə, edam faktını terrorçuların yaydığı "Fransa hökuməti üçün qanlı məktub" adlı video təsdiqləyir.

 

Bundan əvvəl Internetdə Fransa vətəndaşının video görüntüləri yayılmışdı. Qurdel Fransa prezidenti Fransua Ollandı İraqda terrorçulara qarşı əməliyyatda iştirak etməməyə çağırmışdı.  

 

Erve Qurdel Əlcəzairin şərqində Tizi-Uzu şəhəri yaxınlığında girov götürülmüşdü.