Çinin cənubundakı Guangşi Cuang Muxtar Bölgəsində bıçaqlı təcavüzkar 4 ibtidai məktəb şagirdini öldürüb. Şinhua agentliyinin xəbərinə görə, Lingşan şəhərinin Pingşan qəsəbəsindəki Gupu ibtidai məktəbi yaxınlarında, şəxsiyyəti naməlum bir nəfər tərəfindən bıçaqlı hücuma məruz qalan 4 ibtidai məktəb şagirdi dünyasını dəyişib.
Movqe.az xəbər verir ki, səlahiyyətlilər, üç şagirdin hadisə yerində, digərinin xəstəxanada öldüyünü qeyd edib. Təcavüzkar hələ də tutula bilməyib.