İraq prezidenti anti-İŞİD koalisiyaya qoşulanlara təşəkkür etdi
27 Sentyabr 2014 10:32 (UTC+04:00)
İraq Prezidenti Məhəmməd Fuad
Məsum İŞİD-ə qarşı mübarizədə hökumətə dəstək olan
koalisiya iştirakçılarına təşəkkür edib.
Movqe.az-ın Milli.Az-a istinadən məlumatına görə, BMT-nin Baş
Assambleyasında çıxışı zamanı Məsum qeyd edib ki, İraq rəhbərliyi
İŞİD terrorçularını ölkədən təmizləməkdə qətiyyətlidir. Onun
sözlərinə görə, indiyə qədər İraqa göstərilən humanitar və hərbi
dəstək ölkədə ekstremizmə qarşı mübarizədə vacib rol oynayıb.
Prezident, eyni zamanda, ölkənin baş nazirindən fərqli olaraq
İŞİD-in Amerika Birləşmiş Ştatları və Fransada terror aktı
planlaşdırması barədə heç bir məlumata malik olmadığını da əlavə
edib.
Bir qədər əvvəl İraqın Baş naziri Heydər
əl-Əbədi İraq kəşfiyyatının belə bir planı ifşa
etdiyini və Amerika, eyni zamanda, Fransa metrolarında terror
təhlükəsinin olduğunu demişdi.