ABŞ rəhbərliyindəki koalisiya qüvvələrinə aid təyyarələr, IŞİD-in Kobanidəki mövqelərini bombalayıb.
Movqe.az publika.az-a istinadən xəbər verir ki, hücumda IŞİD-in istifadə etdiyi tanklar və qərargah binası hədəfə alınıb. Nəticədə 1 qarnizon və 2 tank məhv edilib. Hava hücumundan sonra meydana gələn partlayış Türkiyənin sərhəd kəndlərindən aydın müşahidə olunub.
Qeyd edək ki, bu gün koalisiya qüvvələri terrorçulara qarşı 6-sı Suriyada, 3-ü İraqda olmaqla 9 hava hücumu təşkil edib. Terrorçuların xeyli sayda canlı qüvvə və hərbi texnika itirdiyi bildirilir.