Rəqqasə Fatimə Fətəliyeva Mərdəkanda yerləşən 2 saylı internat məktəbində xınayaxdı mərasimi keçirib.Movqe.az-ın məlumatına görə, rəqqasə internat məktəbinin üzvləri Vova və Nərmin üçün mərasim təşkil edib. Mərasim haqda təəssüratlarını bölüşən rəqqasə həm kədərli, həm də sevincli olduğunu bildirib:
"Bu gün Vova və Nərmin üçün xınayaxdı mərasimi keçirdik. Allah xoşbəxt etsin. Uşaqları görəndə çox kədərləndim, lakin xeyir işlərində iştirak etdiyim üçün çox xoşbəxt oldum. Kimsəsiz, atasız-anasız insanlara yardım etmək hər bir insanın borcudur. Allah valideynlərə hidayət versin ki, övladlarını atmasınlar".
