Ötən aprel ayında Avstriyanın paytaxtı Vyanada qəflətən itən Səmra və Sabina Suriyaya getdikləri üçün çox peşmandır. Bosniya mənşəli 17 və 15 yaşındakı qızlar geri qayıtmaq istəyir. Lakin qaça bilmirlər.
Movqe.az xəbər verir ki, "Zeitung Österreich" qəzetinə danışan qızların yaxınları, onların ailələriylə yenidən əlaqəyə keçdiklərini deyib. Qəzetə danışan yaxınları 17 yaşındakı Səmranın bir Çeçenlə evləndiyini, İŞİD terroristlərinin baş kəsmə, işgəncə və şiddəti qarşısında şok olduqlarını və Avstriyaya dönmək istədiyini söyləyib.
Qızların Suriyada İŞİD-in idarəsindəki Rakka şəhərində olduqları sanılır.
İki gənc qız ötən aprel ayında ailələri üçün "Suriyaya gedirik. Cənnətdə görüşərik "deyə vida məktubu buraxaraq, itmişdilər.