Əsgərlərə atəş açıldı: 4 yaralı
11 Oktyabr 2014 12:12 (UTC+04:00)
Türkiyə-Suriya sərhədində atışma olub.
Movqe.az milli.az-a istinadən xəbər verir ki, bu barədə Türkiyə
Silahlı Qüvvələri açıqlama yayıb.
Açıqlamaya görə, ötən gün Kobaniyə İŞİD tərəfindən edilən hücumlara
etiraz etmək üçün 4-5 min adam sərhəddə aksiya keçirib.
Nümayişçilər minalı sahəyə daxil olublar. Bu vaxt Suriya
ərazisindən başqa bir qrup sərhəddəki türk əsgərlərinə atış açıb.
Əsgərlər dərhal cavab atəşi açıblar. Tərəflər arasında qısamüddətli
atışma olub.
Atışma zamanı Türkiyə ərazisində etiraz aksiyası keçirənlərdən biri
ağır olmaqla 4 nəfər yaralanıb.
Yaralılar dərhal xəstəxanaya yerləşdiriliblər.