Konte: "Azərbaycan İtaliyaya müdafiədə "oturmağa" gəlmişdi"
11 Oktyabr 2014 16:04 (UTC+04:00)
"Futbolçuları tənqid etmək istəmirəm. Onlardan şikayətlənməyə
haqqım yoxdur".
Movqe.az qol.az-a istinadən xəbər verir ki, bu sözləri İtaliya
millisinin baş məşqçisiAntonio Konteyığmamızla
oyundan (2:1) sonra keçirdiyi mətbuat konfransında deyib.
O, komandasının aşkar üstün olduğunu və Azərbaycan millisinin
yalnız müdafiə olunduğunu bildirib: "Azərbaycan bizim qapımıza
zərbə endirməyi də bacarmadı. Rəqib təsadüfən vurulan qol sayəsində
ümidləndi. Bir neçə qol vəziyyətlərindən yararlana bilmədik.
Azərbaycan İtaliyaya müdafiədə "oturmağa" gəlmişdi. Rəqibin qol
ümidi standard vəziyyətlər idi. Ancaq heyətlərində yaxşı
futbolçular da var. Şadam ki, ikinci qolu vurduq. Heç-heçə bizim
üçün çox pis nəticə olardı".