Azərbaycanda iki avtomobil toqquşaraq yandı
12 Oktyabr 2014 10:36 (UTC+04:00)
Şəmkir rayonunda yol nəqliyyat hadisəsi qeydə alınıb.
Movqe.az-ın Fövqəladə Hallar Nazirliyinin (FHN) saytına istinadən
verdiyi məlumata görə, Şəmkir rayonunda (rayon mərkəzindən 14 km
aralı) sahibləri məlum olmayan "TOYOTA" markalı minik avtomobili
ilə "VAZ" markalı minik avtomobilləri toqquşub.
Toqquşmanın təsirindən avtomobillərdə yanğın meydana gəlib.
Yanğınla nəticələnən yol-qəza hadisəsində "TOYOTA" markalı minik
avtomobilinin yanar hissələrinə ziyan dəyib. Digər avtomobil
yanğından mühafizə olunub.
Yanğın yanğınsöndürənlər tərəfindən söndürülüb.