Kartofu deşib içinə telefon qoydular (FOTO)

13 Oktyabr 2014 18:32 (UTC+04:00)
Bakı İstintaq Təcridxanasında saxlanılan məhbusa kartofun içində gizlədilmiş mobil telefon sovqat gətirilib.
Movqe.az Ədliyyə Nazirliyinin Penitensiar İctimaiyyətlə əlaqələr şöbəsinə istinadən verdiyi məlumata görə, xidmət əməkdaşları tərəfindən həyata keçirilmiş axtarış-baxış tədbirləri nəticəsində Bakı İstintaq Təcridxanasında saxlanılan, Elşad Şirvan oğlu Abbasovun yanına qısamüddətli görüşə gəlmiş Bakı şəhəri, Suraxanı rayonu, Yeni Günəşli qəsəbəsi, "V" yaşayış sahəsi. ev 18, mənzil 56 ünvanında qeydiyyatda olan vətəndaş Edqar Bəhmən oğlu Əmirovun görüş otağında üzərinə və əşyalarına baxış keçirilən zaman, gətirdiyi sovqatdakı kartofun içərisində xüsusi üsulla gizlədilmiş, daxilində "Nar" danışıq kartı olan 1 ədəd "Nokia" markalı mobil telefon aparatı aşkar edilərək götürülüb. Elşad Şirvan oğlu Abbasov Azərbaycan Respublikası Cinayət Məcəlləsinin 221.3 maddəsinə əsasən təqsirli bilinərək həbs edilib. Fakt üzrə araşdırma aparılır.