Bakıda toyda dava-ata və oğul bıcaqlandı
16 Oktyabr 2014 11:00 (UTC+04:00)
Bakının Suraxanı rayonu ərazisində təşkil edilmiş
bir toy məclisində qan axıdılıb. Hadisə rayonun Əmircan qəsəbəsində
baş verib. Hadisə şahidlərindən əldə etdiyimiz məlumata görə, toyda
qonaq qismində iştirak edən qəsəbə sakini Elxan Zahirovla
həmyerlisi 25 yaşlı Laçın Əmirov arasında mübahisə düşüb. Tanışlar
toy evindən kənarlaşaraq aralarındakı mübahisəni yaxınlıqdakı dəmir
yolunun kənarında davam etdiriblər.
Mübahisə zəmnində Laçın Əmirov bıçaqla Elxan
Zahirova xəsarət yetirib. Atasının bıçaqlandığını görən 25 yaşlı
Rəsul Zahirov da mübahisəyə qoşulub və üzərində gəzdirdiyi cib
bıçağı ilə Laçın Əmirovu vurub. Ancaq məsələ bununla da bitməyib və
ayaq üstdə dayanmağı bacaran Laçın əlindəki bıçaqla Rəsula da
xəsarət yetirib. Hər yaralı
yaxınlarının köməkliyi ilə 3 saylı şəhər klinik xəstəxanasına
çatdırılıb. Növbətçi həkim Həsən Tağıyevdən aldığımız məlumata
görə, yaralıların üçü də cərrahi əməliyyat olunub. Əməliyyətdan
sonra yaralıların həyati təhlükələri aradan
qaldırılıb. Hadisənin
təfərrüatlarını Suraxanı polisi araşdırır. Məlumatı əldə edən
Suraxanı Rayon Polis İdarəsinin 31-ci polis bölməsinin əməkdaşları
hadisənin hansı şəraitdə törədilməsini və konkret olaraq kim
tərəfindən başladıldığını araşdırır.