"Nə? Harada? Nə zaman?" - OSİP turnirin qalibləri müəyyən oldu (FOTO)

16 Oktyabr 2014 13:08 (UTC+04:00)

"Azərbaycan" İntellektual Oyunlar Klubu bu mövsüm də öz turnirlərinə davam edir. "Nə? Harada? Nə zaman?" - OSİP turnirin qalibləri müəyyən oldu. Birinci yer – Xəyal Məmmədov, ikinci- Orxan Cəlilov, üçüncü – Ayxan Məmmədli.

Turnir 3 mərhələ olmaqla 36 sualdan ibarət idi. OSİP haqqında məlumatsız olanlar üçün qeyd edək ki, bu, "Nə? Harada? Nə zaman?" oyununun fərdi versiyada oynanılan növüdür və iştirakçılar komanda şəklində deyil, fərdi şəkildə mübarizə aparırlar. Sual paketinin müəllifləri: Səbuhi Göyüşov, Aytəkin Əsədzadə, Eşqin İbrahimov, Tərlan Əsədli, Rahib Məhərrəmzadə "Azərbaycan" İntellektual Oyunlar Klubu 29 aprel 2012-ci ildə təsis olunmuşdur. Fəaliyyət sahəsi çərçivəsində paytaxt və regionlarda yeniyetmə və gənclər arasında müxtəlif intellektual formatlar üzrə mütəmadi olaraq yarış və turnirlər təşkil edir. Artıq üçüncü mövsümdür ki, Azərbaycan Tələbə Gənclər Təşkilatları İttifaqı ilə birgə 9 ali təhsil müəssisəsini əhatə edən Azərbaycan və rus dillərində sinxron çempionatın təşkilatçısıdır. Klub eyni zamanda, Azərbaycan İntellektual Klublar Assosiasiyasının üzvüdür.