Türk xəstə bu virusun qurbanı oldu
18 Oktyabr 2014 12:00 (UTC+04:00)
Səudiyyə Ərəbistanında miqrant kimi fəaliyyət göstərən Türkiyə
vətəndaşı xəstəliyi səbəbindən çatdırıldığı xəstəxanada vəfat
edib.
Movqe.az-ın Milli.az-a istinadən verdiyi məlumata görə, dünyasını
dəyişən xəstədə "Mers" (Coprona) virusu aşkarlanıb. Xəstəliyi
səbəbindən Türkiyəyə qayıdan Hatay şəhəri sakininin təyyarədən enən
kimi xəstəxanaya müraciət etdiyi bildirilir. Hadisə barədə açıqlama
verən Türkiyə Səhiyyə Nazirliyi mərhumla eyni təyyarədə gələn
sərnişinlərin axtarıldığını deyib.
"Nazirliyimizin Xalq Səhiyyə Mikrobiologiya laboratoriyasında
aparılan analizlərin nəticələrinə görə, xəstənin "Mers" virusunun
saşıyıcısı olduğu aşkarlanıb. Aparılan araşdırmalar nəticəsində
Səudiyyə Ərəbistanında miqrant olan xəstənin Türkiyəyə gəlməzdən
əvvəl 10 gün müddətində səhhətində problem olduğu müəyyən olunub.
Türkiyəyə qayıtdığı gün isə təyyarədən enən kimi özəl bir
xəstəxanaya müraciət etməsi barədə məlumat əldə olunub.
Vəziyyətinin ağır olması səbəbindən reanimasiya şəraitində müalicə
olunan xəstə oktyabrın 11-də dünyasını dəyişib. Xəstədən götürülən
nümunələrə laboratoriyamızda keçirilən baxışdan sonra onun
"Mers-Cov" olduğu məlum olub".
Mərhumla eyni təyyarədə gələn və onunla təmasda olan sərnişinlərin
isə axtarışına başlanılıb.
"Xəstənin Səudiyyə Ərəbistanına aid özəl bir aviaşirkətlə ölkəmizə
qayıtdığı təyyarədəki sərnişinlərin məlumatları tələb olunub. Həmin
siyahının əldə olunması üçün lazımi işlərə başlanılıb".