Atəşkəs rejimi 14 dəfə pozulub
21 Oktyabr 2014 11:35 (UTC+04:00)
Erməni silahlı bölmələri dünən və bu gecə bir neçə
istiqamətdə Silahlı Qüvvələrimizin mövqelərini atəşə
tutublar. Müdafiə Nazirliyindən
Movqe.az-a bildiriblər ki, cəbhənin müxtəlif istiqamətlərində sutka
ərzində atəşkəs rejimi ümumilikdə 14 dəfə
pozulub. Erməni silahlı bölmələri
dünən və bu gecə Xocavənd rayonunun Kuropatkino, Cəbrayıl rayonunun
Mehdili kəndləri yaxınlığında, həmçinin Füzuli və Xocavənd
rayonlarının ərazisindəki adsız yüksəkliklərdə yerləşən mövqelərdən
Silahlı Qüvvələrimizin mövqelərini atəşə
tutublar. Qarşı tərəf cavab
atəşi ilə susdurulub.