MTRŞ-nın şöbə müdirindən ANS-ə: "Sonuncu verilişdə tərbiyəsizlik o həddə çatdı ki..."
21 Oktyabr 2014 13:37 (UTC+04:00)
"ANS-də şənbə günləri "Comedi.az" adlı yumoristik
veriliş gedir.Veriliş başdan-ayağa "qara yumor", qeyri-etik
sətiraltı məzmunlu "zarafatlar"dan ibarətdi". Movqe.az xəbər verir
ki, bu sözləri Milli Televiziya və Radio Şurasının Ekspertiza,
proqramlaşdırma və analitik şöbəsinin müdiri Təvəkkül Dadaşov
öz facebook hesabında status yazıb. T. Dadaşovun verilişə həsr
olunan tənqidi statusu "studiyaya yığışan qonaqların çoxu da
qadınlar, qızlar olur, adətən. Fikir vermişəm, sonuncudan əvvəlki
buraxılışlarda intim bir səhnəcik göstəriləndə, tərbiyədən uzaq
ifadə işlədiləndə kişilər-oğlanlar qalırdı bir qıraqda, həmin
qız-qadınlar gülməkdən uğunub gedirdilər. Amma sonuncu verilişdə
tərbiyəsizlik o həddə çatdı ki, hətta hər şeyə gülən o
qız-qadınların sifətində bir ikrah görünürdü. Zaldan gülüş səsləri
kəsilmişdi. Məncə, bu, kanala, verilişi hazırlayanlara bir siqnal
olmalıdı. Çünki öz daimi qonaq-tamaşaçıları belə, narazı görünürdü.
Bu qədər də olmaz da...zarafatın, yumorun da həddi
olmalıdı".