Dünyanın ən yüksəkdə yerləşən ölkəsi
25 Oktyabr 2014 09:20 (UTC+04:00)
Dünyanın ən yüksəkdə yerləşən ölkəsi Nepaldır. Budduzm məhz burada
yaranıb və o, bu gün də dünyanın ən qədim dövləti hesab olunur. Ən
yüksəkdə yerləşən ölkə uca dağlar üzərindədir. Yerli sakinlər
inanırlar ki, onların ölkəsi torpağın təkindən Himalay dağları ilə
birlikdə yaranıb. Nepal inanc, meditasiya və Tibet təbabəti
həvəskarlarının yeridir. Bu ölkədə çoxlu sayda budda məbədləri və
monastırları vardır. Buradan həmçinin asanlıqla Tibetə, eləcə də
Dünyanın Damı olan Everest zirvəsinə çatmaq olar. Ən qədim dağlıq
ölkənin min illərlə tarixi vardır. Burada, demək olar ki,
müharibələr olmayıb. Ölkədə çoxlu dini abidələrə rast gəlmək
mümkündür. Onlardan bəziləri YUNESKO-nun Dünya İrsi siyahısına
daxil edilib. Hər il bu ən yüksək ölkəyə təkcə ölkənin tarixi və
gözəlliyi yox, eləcə də Everest dağının cəlb etdiyi çoxlu sayda
turist gəlir. Dünyada ən yüksək yerdə yerləşən ölkənin paytaxtı
Katmandudur. Ölkənin əhalisi 28 875 140 nəfərdir. Nepalın ümumi
ərazisinin təqribən 40 faizi dəniz səviyyəsindən 3000 m yüksəklikdə
yerləşir. Buna görə də Nepal haqlı olaraq ən yüksək ölkələr
siyahısına liderlik edir. Ölkə Himalay dağlarının yamaclarında
yerləşir, ona görə də burada iqlim hündürlükdən asılıdır. Nepalı
cənubdan şimala yüksələn böyük nərdivan kimi təqdim edirlər. Nepal
bir neçə iqlim zonasına malik olduğu üçün dünyada ən unikal ölkə
hesab edilir. Ölkə şimal tərəfdən Tibet, cənub tərəfdən isə
Hindistanla sərhəddir. Ölkənin ümumi sahəsi 147 181 kv.kilometrdir.
Mərkəzdə qayalı dağlardan ibarət vadilər vardır. Dağlarda çoxlu
sayda terraslar müşahidə etmək olar. Məhz burada qədim vaxtlardan
düyü yetişdirirlər. Buna görə də ölkənin milli yeməyi "dal"- maş və
təzə soya ilə yeyilən qaynanmış düyüdür. Nepallılar ət yeməklərini
yalnız bayramlarda yeyirlər. O, bu ölkədə delikates hesab edilir.
Buna görə də nepallılar vegetariandırlar. Burada ət kimi camış,
keçi və ya cücə ətindən istifadə edirlər. İnək isə Nepalda müqəddəs
hesab edilir, bu səbəbdən də inək ətindən heç bir yemək
hazırlanmır.
Dəniz səviyyəsindən 2000-4000 yüksəklikdə olan dağətəyi ərazidə
dünyanın ən hündür Himalay dağı yüksəlir. Turistlər Lumbiniyə də
getməyi sevirlər. Bu şəhər Buddanın vətəni hesab olunur. Nepalın
populyar kurortu isə Pokharadır. Şəhər dünyanın ən gözəl
göllərindən biri- Fevanın sahilində yerləşir.