Ermənistan ordusu mövqelərimizi atəşə tutub
25 Oktyabr 2014 11:07 (UTC+04:00)
Müdafiə Nazirliyi bildirir ki, cəbhənin müxtəlif istiqamətlərində
sutka ərzində atəşkəs rejimi ümumilikdə 28 dəfə pozulub.
Movqe.az nazirliyin rəsmi saytına istinadən bildirir ki, erməni
silahlı bölmələri Füzuli rayonunun Horadiz şəhəri, Aşağı
Seyidəhmədli, Qaraxanbəyli, Aşağı Veysəlli, Ağdam rayonunun
Yusifcanlı, Xocavənd rayonunun Kuropatkino, Cəbrayıl rayonunun
Mehdili kəndləri yaxınlığında, həmçinin Füzuli, Cəbrayıl və
Xocavənd rayonlarının ərazisindəki adsız yüksəkliklərdə yerləşən
mövqelərdən Silahlı Qüvvələrimizin mövqelərini atəşə tutublar.
Düşmən cavab atəşi ilə susdurulub.