Məhkəmə Nazpəri Dostəliyevaya rəhm etmədi

28 Oktyabr 2014 18:35 (UTC+04:00)
Bu barədə aznews.az-a məlumat verən xalq artisti İlhamə Quliyevanın vəkili Pərviz Hacılı bildirib.

Onun sözlərinə görə, Nazpəri Dostəliyeva xalq artisti İlhamə Quliyevanın şikayəti əsasında Ali Məhkəmənin ona qarşı kəsdiyi 25 min manatın hissəli ödənişi üçün Nəsimi Rayon Məhkəməsinə ərizə ilə müraciət edib: "Nazpəri Dostəliyeva İlhamə Quliyevanın şikayəti əsasında cərimə olunduğu 25 min manatı qanuna görə qarşı tərəfin hesabına ödəməlidir. Qanun qüvvəyə minib. Sadəcə, Nazpəri xanım ərizə ilə məhkəməyə müraciət edərək bildirib ki, 25 min manatı birdəfəlik deyil, hissə-hissə ödəmək istəyir. Məhkəmə də onun ərizəsini oxuyub, lazımi sübutlar tapmadığı üçün şikayətini təmin etməyib".

Qeyd edək ki, xalq artisti İlhamə Quliyeva ilə Nazpəri Dostəliyeva arasında gedən qalmaqala Ali Məhkəmənin qərarı son qoyub. Qərara görə, N.Dostəliyeva 25 min manat cərimə ödəyəcək və ondan üzr istəyəcək.