Nazir qəbul keçirəcək
29 Oktyabr 2014 10:27 (UTC+04:00)
Rabitə və yüksək texnologiyalar naziri Əli
Abbasovun oktyabr ayının 31-i saat 11:00-da Qobustan rayonunda
(Qobustan, Ağsu, Şamaxı, Abşeron) əhaliyə göstərilən
telekommunikasiya, internet, poçt, radio və televiziya yayımı
xidmətlərinin keyfiyyəti, xidmət mədəniyyəti, bu sahədə bölgələrdə
əhalini maraqlandıran məsələlərlə bağlı vətəndaşlarla görüşü
planlaşdırılır. Rabitə və Yüksək
Texnologiyalar Nazirliyinin Mətbuat Xidmətindən Movqe.az-a daxil
olan məlumata görə, vətəndaşlardan "[email protected]" elektron
poçt ünvanı, 1655 saylı "Qaynar xətt", 598 38 18 nömrəli
(regionlardan edilən zənglər pulsuzdur) telefon vasitəsilə əlaqə
saxlayıb qəbula yazılmaları xahiş olunur.
Eyni zamanda qəbula gəlmək istəyən vətəndaşlar,
zərurət yaranarsa, yaşadıqları ərazinin poçt və telefon qovşaqları
tərəfindən nəqliyyat vasitələri ilə təmin olunacaqlar.