"Atama-anama of demirəm" - Elməddin
30 Oktyabr 2014 10:49 (UTC+04:00)
Aktyor Elməddin Cəfərov ATV telekanalında yayımlanan "Gün
üzü" verlişinin qonağı olub. Mövqe.az xəbər verir ki, aktyor verliş
zamanı atasını içki içdiyinə görə küçəyə atan övladı qınaq atəşinə
tutub. Müqəddəs kəlamları sitat gətirən E. Cəfərov açıqlamasında
bildirib: " Ata ana nə etsə də onlara gözün üstə qaşın var demək
olmaz. Onlara güldən ağır söz demək olmaz. Hətta mən belə bir şey
oxumuşdum, deyirlər ki, valideyinin səni Allaha gedən yoldan,
inamdan ayırsa, qadağa etsə belə yenə ondan üz çevirmə.
Valideyininə ağ olma. Get kənarda, gizlində ibadətivi et. Amma ata
və anana of demə. Mən bu kəlamı çoxdan oxusam da, hardasa 10 il
olar ya olmaz tam dərk etmişəm. Və o gündən bu günə valideynlərimə
of deməmişəm".
Hal-hazırda "Gün üzü" proqramı ATV telekanalında İlqar
Mikayıloğlu və Zülfiyyə Bayramovanın aparıcılığı ilə davam
edir.