İlqar Mikayıloğlu və həyat yoldaşını canlı yayımda şoka saldı !
30 Oktyabr 2014 12:06 (UTC+04:00)
Bu gün ATV telekanalında "Gün üzü" verlişində maraqlı anlar
yaşanıb. Mövqe.az xəbər verir ki, aparıcılar İlqar Mikayıloğlu və
həyat yoldaşı Zülfiyyə Bayramova atılmış qocaların həyatlarını
gündəmə gətiriblər. Oqtay adlı şəxsi evdən qovan qızı Rəna canlı
yayıma qoşulub. Aparıcı İlqar Mikayıloğluna danışmağa imkan
verməyən Rəna xanım bildirib ki, Oqtay bəyi onlar yox, polis evdən
qovub. Çünki Oqtay bəy alkoqolik olub və qonşulara ziyan vurub.
Studiyada iştirak edən hüquqşünaslar polisin belə addım atmasının
qəti şəkildə qanuna zidd hərəkət olduğunu bildiriblər və Rəna
xanımı yalan deməkdə günahlandırıblar.
Bundan əlavə, Rəna xanım efirə qoşulanda atası Oqtaya ata yox,
adı ilə Oqtay deyə müraciət edib. Bu durum da aparıcı və eyni
zamanda vəkil Zülfiyyə Bayramovanın diqqətindən yayınmayıb.
Verlişdə qonaq qismində iştirak edən aktyor Elməddin Cəfərov Rəna
xanıma səslənərək valideynə hörmətsizliyin böyük günah olduğunu
bildirib. Rəna xanımı barışığa səsləyən aktyor cavabsız qalıb.
Sağlamlığı yerində olmayan əlil, Oqtay adlı bəyin işi isə artıq
məhkəmə orqanları tərəfindən araşdırılır.
Qeyd edək ki, "Gün üzü" proqramı həftə içi 5 gün saat 10:00-dan
12:00-a kimi ATV telekanalında yayımlanır.