Microsoft Windows 7 əməliyyat sisteminin satışını dayandırdı.
Movqe.az publika.az-a istinadən xəbər verir ki, ABŞ-ın texnologiya nəhəngi Microsoft-un kompüter və laptoplar üçün hazırladığı əməliyyat sistemi ömrünü başa vurdu. Bugündən etibarən istifadəçilər Windows 7-ni kompüterlərinə yükləyə bilməyəcəklər.
Ötən ay Windows 10 əməliyyat sistemini təqdim edən şirkət hələlik bu sitemi satışa çıxarmayıb. Ona görə də yeni kompüter alanlar Microsoftun o qədər də uğurlu olmayan Window 8 ilə kifayətlənməyə məcbur olacaq.
Qeyd edək ki, hazırda 600 milyona yaxın kompüterdə Windows 7 əməliyyat sistemindən istifadə olunur.